Chamádesnos hierbajos, maleza, malas herbas... pero, que vos fixemos para que nos miredes tan mal? Compartimos convosco o espazo destes bosques de cemento e cristal que construístes no medio do campo, esas "cidades". Somos as herbas urbanas, si. Temos tanta beleza se se nos mira de preto que, todo o demais, pouco importa. Podemos sobrevivir colonizando mesmo pequenas gretas nas beirarrúas e muros. Reunímonos para contarvos como vivimos e como sentimos. Por estas páxinas desfilamos ducias de plantas moi comúns nas vosas rúas. Cada unha fala de si mesma, en primeira persoa, para mostrarvos como é a nosa realidade, as nosas virtudes, o noso día a día. Facémolo sen andrómenas, nun exercicio de sinceridade clorofílica con todos vós. Deixaredes entón de chamarnos malas herbas?

3º-4º ESO

1º-2º BAC

Formación Profesional

Adultos/as