O corpo das mulleres foi obxecto de controversia ao longo da historia. Defínenos e nos estereotipa moito máis que aos homes. As normas, os gustos, as modas e as imposicións sociais de cada momento determinan como debemos ser, pesar, que debemos aparentar… e, en moitas ocasións, terminamos cedendo ao que espera de nós, e isto acaba sendo un poderoso instrumento político que se utiliza, moi a miúdo, á nosa contra. A realidade é que a materialidade do corpo humano, tanto no biolóxico (tecidos, ósos) como no social (alimentación, adorno, vestimenta, exercitación) reflicte perfectamente as experiencias que vivimos e como nos relacionamos co mundo. Neste libro, Marga Sánchez Romero demostrará que nas sociedades do pasado o corpo tamén se utilizou de forma política, para expresar sentimentos de pertenza, identidades individualizadas, etc. e que as lecturas que se fixeron desde a arqueoloxía usaron o corpo das mulleres na prehistoria para facer política tamén na contemporaneidade.