Case todas as cintas de Miyazaki enfrontan a ciencia coa tradición, o pasado co futuro. O espíritu do bosque é unha celebración da natureza na que o fantástico se funde co real. Feita con moito mimo e atención aos detalles (rumor do vento nas follas, movemento do cabelo...).
No século XV, durante a era Muromachi, o bosque nipón, protexido notro tempo por animais xigantes, está sendo asolagado por culpa dos humanos. Un xabarín transformado nun demo destrutor ataca o poboado de Ashitaka, futuro xefe do clan Emishi. Co fin de curar a ferida que lle causou un xabaril, o mozo sae na procura do deus Cervo, único que lle pode curar a gangrena do brazo. Ao longo do seu periplo descobre como os animais do bosque loitan contra homes que están dispostos a destruír a Natureza.