"No sleep till Shengal" conta o regreso de Zerocalcare a Oriente Medio. Na primavera de 2021 viaxa ao norte de Iraq, ata o seo da comunidade ezidí, un pobo que sobreviviu ao xenocidio do ISIS en 2014, está baixo a protección das milicias kurdas e ve ameazada a súa autonomía polas tensións internacionais. O propósito de Zero é documentar as súas condicións de vida e loita.
Esta é a crónica dun momento xeopolítico preciso, no que un puñazo de persoas se opón ao poder atafegante de quen chama "terrorismo" a calquera intento de resistencia, mentres o soño do confederalismo democrático corre o risco de desaparecer para sempre ante a enxordecedora indiferenza de Occidente.